Abstract:
Die outeur, professor J.P. Oberholzer, kies om
sy oorsig oor die honderdjarige bestaan van
die Kuratorium vir Teologiese opleiding as ‘n
kroniek te bestempel. ‘n Kroniek is ‘n verhaal van
gedenkwaardige gebeurtenisse wat chronologies
gerangskik word (vergelyk die Verklarende
Handwoordeboek van die Afrikaanse Taal). In
hierdie kroniek is die belangrike gebeurtenisse
in die verloop van honderd jaar inderdaad aan
die hand van notules en dokumente noukeurig
nagevors en chronologies neergepen.
