Abstract:
Kosmetiese chirurgie is ’n algemene, wêreldwye verskynsel en die gewildheid daarvan,
ook in Suid Afrika, neem die afgelope tyd toe. Radikale, nie-terapeutiese prosedures het
indringende gevolge vir beide die mediese reg en die mediese etiek. In hierdie verband
word die Suid-Afrikaanse en Kanadese wetlike raamwerke met betrekking tot ingeligte
toestemming ondersoek. Aandag word gevestig op die feit dat daar gebrek is aan unieke
vereistes vir ingeligte toestemming tot suiwer nie-terapeutiese en kosmetiese prosedures
binne die Suid-Afrikaanse wetlike raamwerk. Die stand van sake is nie ideaal nie. Met
verwysing na die Kanadese regsposisie word aanbevelings gemaak wat pasiënte se
outonomie en veiligheid in geval van ingeligte toestemming tot suiwer nie-terapeutiese en
kosmetiese prosedures beter sal beskerm en bevorder.
