Dodder, die plantdoder - probleemplante (Deel 11)

Abstract

Dodder (genus Cuscuta) dek om en by 100 tot 170 parasitiese spesies wêreldwyd. Dit behoort aan die Convolvulaceae- plantfamilie. Dit kom oor die hele wêreld voor en is by gematigde, subtropiese en tropiese toestande aangepas. Die grootste spesiediversiteit kom egter voor in subtropiese en tropiese klimaatstreke. Daar is om en by sestien inheemse dodderspesies in Suid-Afrika. Ander volksname vir dodder sluit in duiwelsnaaigaring en warkruid. Die spesie kan slegs oorleef as ’n parasitiese plant omdat die plant nie self kan fotosinteer nie. Die plant is dus totaal afhanklik van die gasheerplant vir water, voeding en energie. Dit verklaar waarom dodder so ’n negatiewe invloed op die groei en ontwikkeling van gasheerplante het.