Kunswerk wat iets losmaak

Abstract

Die hoofkarakter in Francois Smith se jongste roman is ʼn dokter op ʼn plattelandse dorp. Wanneer dokter Gustav van Aardt voor een van die kunswerke in sy spreekkamer staan, dink hy: “Egte kuns is nie net mooi prentjies nie, dit maak iets in mens los, al is die meeste mense heeltemal onbewus van hulle reaksie daarop. Dis juis om hierdie rede dat hy kunswerke in sy spreekkamer het, om mense te help om iets in hulle te ontketen. (…) Net dit. Om woordeloos aangegryp te wees.”