Hiermee word 'n verslag aangebied van die argeologiese navorsing wat van 1971 tot 1973 op die plaas Greefswald gedoen is en die verwerking van die materiaal wat daar ingesamel is. Die navorsing is onderneem met die doel om die gegewens in verband met die vroeëre kulture op Greefswald aan te vul en verder ook die kennis in verband met die ystertydperk in suidelike Afrika uit te brei.
