Abstract:
In die regspraak en -literatuur wemel dit van omskrywings en verduidelikings van die bank-kliëntverhouding wat in meeste gevalle gebaseer is op die regsverhouding tussen die houer van ’n lopende (tjek-) rekening en sy bank. Die bankkliëntverhouding word dikwels as ’n skuldeiser-skuldenaarverhouding beskryf wat op kontrak berus, maar dit is moeilik om die presiese aard van die kontrak te bepaal. Dit bevat elemente van lasgewing, verbruikleen en verteenwoordiging, maar is nie daartoe beperk nie en word derhalwe soms as ’n sui generis-kontrak beskryf.
