Abstract:
Vroeër is daar reeds gewys op die ondergrawing van die basiese trust-idee in die administrasie
van sommige trusts en die behoefte om derde partye te beskerm (Nieuwoudt v
Vrystaat Mielies (Edms) Bpk). Dit wil voorkom asof daar weinig, indien enige, gevalle die
afgelope tien jaar voorgekom het waar die “sluier van die trust” in effek onder sodanige
omstandighede gelig is (Van Zyl v Kaye). Die Hoogste Hof van Appèl het nou in WT v KT
vermelde remedie verder beperk, gesien die feite en omstandighede van die spesifieke
geval. Hierdie en ander beslissings in die onlangse verlede, veral in egskeidingsaangeleenthede,
word kortliks onder die loep genoem. Enkele voorstelle word aan die hand
gedoen.