Abstract:
Die grasveldbioom is van uiterste
belang vir die veebedryf.
Indien grasveld swak bestuur
word en oorbeweiding
die gevolg is, kan uitheemse
indringerplante soos die boomsoort swartwattel
(Acacia mearnsii) grasveld vinnig binnedring
en digte bosse vorm. Hierdie verskynsel
is veral opsigtelik in gebiede waar
daar lank reeds van die volwasse bome
voorkom wat al vir jare bygedra het tot die
saadbank van die omliggende gebied.
Hoewel swartwattel ’n bedreiging vir
ons natuurlike plantegroei inhou, het dit
ook groot ekonomiese waarde vir Suid-Afrika
se hout- en pulpbedrywe, asook weens
die tannien in boombas, wat vir leerlooiery
gebruik word. As dit egter uit plantasies na
ander gebiede versprei, vorm dit dikwels
digte ruigtes wat die inheemse plantverskeidenheid
verlaag en verplaas.
