Die destabilisering van binêre geslagsopposisies by wyse van magiese realisme in Reza de Wet se drama Breathing In

Abstract

AFRIKAANS : Die studie ondersoek magiese realisme se bydrae tot die destabilisering van binêre geslagsopposisies in Reza de Wet se drama Breathing In. Binêre geslagsopposisies dra by tot die konstruksie van gemarginaliseerde geslagtelike identiteit vir vroue. Die geslagtelike identiteite toon ’n hiërargiese orde wat die ideologieë van ’n patriargale senter ondersteun en word deur realisme gereflekteer as “natuurlike” en “vanselfsprekende”, vasgestelde “waarhede” en “werklikhede”. Breathing In fokus op hierdie kolonisering van die “vrou” binne ’n patriargale samelewing. In die studie word binêre geslagsopposisies ondersoek en gedestabiliseer om alternatiewe beskouings van “manlikheid” en “vroulikheid” moontlik te maak. Die identifisering van magiese realisme in Breathing In bied aan die “vroue”-karakters ’n geslagtelike vryheid binne die binêr-opposisionele verwysingsraamwerk van realisme en openbaar so interpretasieleemtes wat binêre opposisies bevraagteken en uitdaag. Magiese realisme destabiliseer realisme as “werklike” refleksie van binêre geslagsopposisies en maak alternatiewe “werklikhede”, die verbastering van geslagtelike handelinge en ’n viering van Andersheid in die “vroue”-karakters moontlik. ENGLISH : This study explores the contribution of magical realism to the destabilization of gender binary opposites in Reza de Wet’s play Breathing In. Gender binary opposites contribute to the construction of marginalised gender identities for women. The hierarchical nature of these gender identities supports the ideology of a patriarchal centre, and is reflected by realism as “natural, self-evident, fixed truths” and “realities”. Breathing In focuses on the colonisation of the “woman” in a patriarchal society. The study explores and destabilizes gender binary opposites to make alternative views on “masculinity” and “femininity” possible. The identification of magical realism in Breathing In offers the female characters a gender freedom within the binary opposite frame of reference of realism, and consequently reveals interpretation gaps which question and challenge these binary oppositions. Magical realism aims to destabilize realism’s “realistic” reflection of gender binary opposites and to create alternative “realities”, to hybridize gender actions, and so to celebrate the Otherness of the female characters. Copyright