Does the proposed pre-liquidation composition proffer a solution to the No Income No Asset (NINA) debtor’s quandary and, if not, what would?

Abstract

Die artikel handel oor die vraag of die bepalings van die voorgestelde statutêre akkoord voor likwidasie waarskynlik oplossing tot die sogenaamde Geen Inkomste Geen Batesskuldenaars se verknorsing sal bied. Bestaande skuldverligtingsmaatreëls bied geen verligting aan sodanige skuldenaars nie, ondanks die feit dat dié groep skuldenaars waarskynlik die grootste deel van skuldoortrokke Suid-Afrikaners uitmaak en hul uitsluiting moontlik ongrondwetlik is. Dié vraag word ondersoek aan die hand van bestaande statutêre skuldverligtingsmaatreëls, ondersoek na die bepalings van die voorgestelde prosedure, internasionale beginsels en riglyne en evaluasie van die prosedure binne die konteks van Geen Inkomste Geen Bates-skuldenaars. Daar word tot die gevolgtrekking gekom dat die onderhawige vraag ontkennend beantwoord moet word. Voorstelle vir die pad vorentoe word ook gemaak.