Die belewenis van identiteitkonstruksie deur die Afrikaansvaktaal beginneronderwyser

Abstract

Die studie het die fokus op die belewenisse van die beginner-Afrikaansonderwyser se identiteitkonstruksieproses geplaas asook hoe hierdie prosesse hul professionele identiteit en groei beïnvloed. Soos onderwys aanpas by die eise van ’n vinnig veranderende wêreld, is dit belangrik om gehoor te gee aan die onderwysers se belewenisse van die identiteitkonstruksieproses. Dit is ook noodsaaklik om die uitdagings en sterkpunte wat beginneronderwysers ervaar, te erken en te verstaan. Die veeleisende beroep as onderwyser/onderwyseres dra reeds by tot hoe die individu die identiteitkonstruksieproses benader in sy/haar professionele hoedanigheid. Deur klem te plaas op die beginner-Afrikaansonderwyser se belewenis van die identiteitkonstruksieproses, bewerkstellig ek die proses van selfrefleksie by elkeen van die deelnemendes – wat uiters belangrik is vir professionele ontwikkeling en om areas vir verbetering uit te lig. Hierdie navorsing het gepoog om die outentieke data rakende die belewenisse van die beginner-Afrikaansonderwyser se identiteitkonstruksieproses te verken en onder die vergrootglas te plaas. Die interpretatiewe benadering sal ’n stem gee aan die deelnemers en moontlik hul unieke belewenisse erken, wat hierdie studie betekenisvol maak vir die ondersteuning van beginneronderwysers en die bevordering van hul identiteit binne die beroep.The study focused on the experiences of the novice Afrikaans teacher’s identity construction process, as well as how these processes influence their professional identity and growth. As education adapts to the demands of a rapidly changing world, it is important to pay attention to teachers’ experiences of the identity construction process. It is also essential to recognize and understand the challenges and strengths that novice teachers encounter. The demanding profession of teaching already contributes to how an individual approaches the identity construction process in their professional capacity. By emphasizing the novice Afrikaans teacher’s experience of the identity construction process, I facilitate the process of self-reflection for each participant – which is crucial for professional development and identifying areas for improvement. This research aimed to explore and closely examine authentic data regarding the experiences of the novice Afrikaans teacher’s identity construction process. The interpretive approach will give a voice to the participants and potentially acknowledge their unique experiences, making this study meaningful for the support of novice teachers and the advancement of their identity within the profession.