Boerekrygsgevangenekuns vervaardig op St. Helena gedurende die Anglo-Boereoorlog, 1899-1902

Abstract

In hierdie studie word die krygsgevangenekuns wat op St. Helena vervaardig is deur middel van ʼn kultuurhistoriese benadering bekyk – die motiverings waarom dit vervaardig is, die gereedskap waarmee, en beskikbare roumateriaal waarvan dit vervaardig is, spesialisasievakmanne verantwoordelik vir die vervaardiging, en die verspreiding en vestiging van afsetgebiede vir die verkoop en uitstalling van Boerekrygsgevangenekuns.