Abstract:
Met die vooruitgang van mediese tegnologie en die daaropvolgende toename in medici se
vermoë om intensiewe indringende sorg aan neonate te voorsien, kom al hoe meer
komplekse etiese dilemmas na vore. Baie lewens word dan ook geraak wanneer H neonaat
gebore word aan die buitegrense van lewensvatbaarheid. Die neonaat ondergaan
intensiewe, indringende behandeling en ondervind pyn en lyding terwyl daar geen
sekerheid is dat haar toestand sal verbeter nie. Dit is ook H tydperk van lyding vir hul
families. Die artikel ondersoek die reg en etiek met betrekking tot die besluitnemingsproses
in H situasie waar H neonaat met H ernstige gebrek of terminale siekte gebore
word, of aan die buitegrense van lewensvatbaarheid. Daar word spesifiek ondersoek ingestel
daarna of die bestaande regsraamwerk wat die einde-van-lewe besluitnemingsproses
oor neonate reguleer wel toereikend is, deur die Suid-Afrikaanse reg daaromtrent
te ontleed. Die fokus is op die behandeling van neonate met ernstige siektes en gebreke en
die regsdilemmas wat met sodanige behandeling en besluitneming gepaard gaan. Ons
bevind dat die ontwikkeling van behoorlike regulasies of H protokol kan bydra tot etiesen
regskorrekte besluite in Suid Afrikaanse hospitale en dat sodanige ontwikkeling deur
die Grondwet, 1996 ondersteun word.
