Abstract:
Die tekort aan vertroue tussen bedingspartye, konflik tussen vakbonde asook onbeskermde,
gewelddadige en langdurige stakings is algemene verskynsel en kenmerk
van die onlangse geskiedenis in die arbeidsmark in Suid-Afrika. Die optrede van vakbonde
tydens kollektiewe bedinging, die meerderheidsbeginsel en inter-vakbond konflik
is veral onder die vergrootglas. Die huidige stand van sake in die arbeidsmark het dit dus
genoodsaak om ondersoek te loods ten aansien van hoe die Arbeidshof genader kan
word in gevalle waar partye hulself op maniere gedra wat buite die reguleringsraamwerk
van kollektiewe bedinging gaan. Beginsels soos funksionaliteit en proporsionaliteit asook
verskeie remedies en uitbreiding van magte van die Arbeidshof word in die lig hiervan
ook heroorweeg.