Abstract:
In die huidige Suid-Afrikaanse insolvensiereg ontstaan daar drie moontlike
skuldverligtingsmaatreëls tot n skuldenaar se beskikking naamlik sekwestrasie
ingevolge die Insolvensiewet 24 van 1936; administrasie ingevolge die Wet op
Landdroshowe 32 van 1944; en skuldhersiening ingevolge die Nasionale Kredietwet 34
van 2005. Tans word daar nie voldoende skuldverligting aan Suid-Afrikaanse
skuldenaars wat nie oor voldoende inkomste of bates beskik om hul skulde af te betaal,
gebied nie. Aangesien hierdie skuldenaars geen prosesregtelike remedie tot hul
beskikking het nie word die tweeledige ekonomiese stand van Suid-Afrika gehandhaaf
die arm bly armoedig en die ryk se rykdomme bly groei. Dit is dus noodsaaklik dat die
Suid-Afrikaanse insolvensiereg tot so mate ontwikkel word om ook voldoende en
effektiewe skuldverligting aan NINA skuldenaars te bied. Daarom was n
regsvergelykende ondersoek ingestel na die Nieu-Seelandse, Kanadese en VSA
verbruikersinsolvensiereg ten einde voldoende skuldverligting vir NINA skuldenaars te
vind.
