Abstract:
"O tempora, o mores!" is die welbekende Latynse spreuk van weleer waarmee daar soms moedeloos na die vermeende agteruitgang van gemeenskapswaardes verwys word. (Vir die Ciceroniaanse oorsprong van hierdie uitdrukking, sien veral Kudia Lexicon der lateinischen Zitate (2001) 401.) Hierdie Romeinse wysheid sou netsowel aangewend kon word as 'n vermaning om mens te berus by onvermydelike veranderinge wat ooreenkomstig veranderde openbare mening en beleid (in regstaal: die boni mores oftewel regsoortuiging van die gemeenskap) in enige regsbestel intree. Dit wil voorkom of sodanige onvermydelike wending, wat 'n bepaalde aspek van 'n raakpuntgebied van die familie- en deliktereg betref, in die onderhawige uitspraak van ons hoogste hof van appèl weerspieël word.