Teologiese motiewe vir 'n missionêr diakonale bediening van die kerk : op weg na 'n begronding van die missionêr diakonale ekklessiologie (Afrikaans)

Abstract

Afrikaans : samevatting Vir ‘n missioner-diakonale ekklessiologie is dit belangrik vir die kerk om sekerheid te hê oor: • sy identiteit in Christus • sy roeping deur Christus • sy eenheid in Christus. Vir ‘n missioner-diakonale bediening is dit belangrik dat die kerk sal weet dat hy maar een roeping in die wêreld het, naamlik die verkondiging van die Woord. Hierdie een roeping is multi-dimensioneel, en word vergestalt in die volgende bedienings: • Leitourgia • Kerugma • Koinonia • Diakonia Hierdie bedienings het ‘n na-binne (gemeente) gerigtheid, sowel as ‘n na-buite (gemeenskaps) gerigtheid. Hierdie een roeping van die kerk staan dan ook bekend as die marturia en kom prakties tot uitdrukking in die Missionêre Diakonaat. Missionêre Diakonaat is egter nie die somtotaal van evangelisasie plus diens nie. Egte kerugma het ‘n inherente sosiale dimensie, egte diakonia ‘n inherente verkondigingsdimensie. Sider sê tereg: “The time has come for all biblical Christians to refuse to use the sentence: the primary task of the Church is … I do not care if you complete the sentence with evangelism or social action. Either way it is unbiblical and misleading.” Albei dimensies is onlosmaaklik aan mekaar verbonde. Verloor jy die een, verloor jy ook die ander (Bosch 1979:228). Al wat van belang is, is geloof wat deur liefde tot dade oorgaan (Gal.5:6).