Dit is die doel om aan te toon dat die bestudering van 'n voorwerp en die skepper daarvan vir die kultuurhistorikus of museumkundige insig in die periode waaruit daardie voorwerp dateer, kan meebring. Die omgekeerde, naamlik navorsing oor die kulturele tendense van ['n] sekere periode, kan weer daartoe bydra om die interpretasie van 'n persoon of 'n voorwerp uit daardie periode te vergemaklik. Hierdie ondersoek het begin met die ontdekking van 'n afbeelding van die Soutvat in 'n ensiklopedie. Verdere ondersoek het gelei tot die 'ontdekking' van Cellini as mens en verskeie aspekte van die Renaissance in Italie. Gaandeweg het die Soutvat ander dimensies as 'n ryklik versierde gebruiksvoorwerp aangeneem, en het dit as die manifestasie van die gees van 'n tydperk na vore getree.
The aim is to demonstrate that the study of an object and the creator thereof can provide the cultural historian and museologist with insight into the period from which that object dates. The inverse, i.e. research on the cultural trends of a certain period, may in turn contribute to the facilitation of the interpretation of a person or object from that period. This investigation started with the discovery of an image of the Salt-tub in an encyclopaedia. Further investigation led to the ‘discovery’ of Cellini as person and diverse aspects of the Renaissance in Italy. Gradually the Salt-tub assumed different dimensions as a richly embellished household article, and emerged as the manifestiation of the spirit of an era.
