Die Rand van die bosveldstollingskompleks, suid van Burgersfort, insluitende sekere perikotiet-liggame en die gemetamorfoseerde serie Pretoria

Abstract

Die horingfels en die kwartsiet van die boonste gedeelte van die Etage Magaliesberg suid van Burgersfort in Oos- Transvaal het baie aandag geniet in hierdie ondersoek. Die gesteentes was veral aan kontakmetamorfose onderworpe gewees, alhoewel die effekte van regionale metamorfe toestande ook op die kontak van 'n peridotietliggaam op Glen Ora herken kon word. Die volgende tipes horingfelse is onderskei: Chiastolietchloriet-, andalusietcordieriet-, granaatcordieriet-, s\illimanietcordieriet-, muskovietcordieriet- en kalksilikaathoringfels. In die lig van vorige navorsingswerk is die stabiliteitsverhouding en gevolglik die invloed wat chemiese samestelling en die graad van metamorfose op die verskyning van sekere kritieke minerale het, krities in oenskou geneem. Daar is gevind dat die vormingstoestande van andalusiet in die plek van chiastoliet, en sillimaniet in die plek van andalusiet, suiwer termaal van aard is. Granaat in granaatcordieriethoringfels verskyn by 'n mg-waarde groter as 0. 43. Die vermeerdering in cordieriet- en afname in andalusiet hoogop in die stratigrafiese opeenvolging word toegeskryf aan 'n toename in magnesium en 'n afname in aluminium. Die verskyning van mikroklien op hoer horisonte word ook deur die verandering in chemiese samestelling, naamlik 'n toename in Kalium, in plaas van verhoging in die graad van metamorfose, verklaar. In die metamorfe gesteentes is, op grond van tipiese mineraalassosiasies, die volgende metamorfe fasies herken: Albietepidoothoringfels-, horingblendehoringfels-, pirokseenhoringfels-, sanidiniet- en die sillimanietalmandietortoklaassubfasies van die almandietamfibolietfasies. Die kristallisasietoestande van peridotiet van die gebied is gevind dieselfde te wees as die van 'n tipiese harzburgiet met 'n poikilitiese tekstuur, naamlik kumulusolivien wat gemodifiseer is deur die interkumulusvloeistof. Ortopirokseen en plagioklaas het uitgekristalliseer as interkumulusmateriaal. Aangesien peridotietplutone in die metasedimente aanwesig is, is afgelei dat 'n peridotietmagma as sodanig bestaan het. Omdat nie genoegsame geologiese getuienis ingewin kon word oor die struk turele vorm van die peridotietliggame en die vloerkontak nie, is 'n gravimetriesE opname onderneem. 'n Transgressiewe verhouding van die Bosveldkompleks tot die omgewende sedimentere gesteentes kon bewys word. Volgens gravimetriesE en geologiese getuienis breek die ultramafiese gesteentes definitief deur die Magaliesbergkwartsiet.