Abstract:
Probleme in verband met die skool se onderrig van Afrikaans as eerste taal is op 'n verantwoorde wyse in 'n memorandum ( Bylae A : Professionele komitee TOD 1987) uitgelig. In algemene opmerkings van onderwyskundiges oor die probleme is daar kommentaar in die dokument wat kan dien as motivering vir die onderhawige studie, ek haal aan: "Om die onderrig van Afrikaans weer op die regte spoor te bring, is dit nodig dat wegbeweeg moet word van stereotipe onderrigmetodes". Voorts word dit ook genoem dat onderwysers van Afrikaans aan bande gelê word deur die byna verpligte najaag van eksamenresultate. Gevolglik beperk die sg. "papegaaiwerk" die skeppende uitlewingsgeleenthede wat effektiewe taalonderrig kenmerk.
