Are we about to cure the scourge of spam? A commentary on current and proposed South African legislative intervention

Abstract

Verbruikersbeskerming het fundamentele veranderings ondergaan met die inwerkingtreding van onder andere die Wet op Verbruikersbeskerming. Die artikel ondersoek die vraag of die Suid-Afrikaanse verbruikers- en databeskermingsoplossings in die Wet op Elektroniese Kommunikasies en Transaksies, die Wet op Verbruikersbeskerming en die voorgestelde Konsepwet op die Beskerming van Persoonlike Inligting voldoende is om die problematiek rondom “spam” of ongevraagde elektroniese kommunikasies op te los. Die outeur kom tot die gevolgtrekking dat die bepalings van die Wet op Verbruikersbeskerming insake direkte bemarking en die voorgestelde Konsepwet verbeterings is op vorige wetgewende pogings, maar dat dit wil voorkom asof ongevraagde elektroniese kommunikasies nie holisties aangespreek is nie. Dit het tot gevolg dat die beheer oor die probleem op gefragmenteerde wyse benader word in bogenoemde statutêre maatreëls. Die outeur stel voor dat die huidige wetgewende pogings ten minste die bepalings van die Wet op Verbruikersbeskerming en die voorgestelde Konsepwet met mekaar moet versoen.